طريقة تنظيف المرتبة

ضعى 4 نقط من زيت اللافندر على بيكربونات الصوديوم، ورشى هذا الخليط على كل المرتبة بالمصفاة، وإتركيها لمدة ساعتين وبعد كده إشفطيها بالمكنسة الكهربائية هتلاقى فيها قطعة صغيرة بتكون مخصصة لشفط الغبار هتنضف معاكى على طول ده بالإضافة لريحتها الجميلة اللى هيسيبها زيت اللافندر.

إعرف جسمك بيرتاح على أى نوع من المراتب (طرية ولا صلبة) وعلى حسب طبيعة جسمك إشترى المرتبة اللى هتريحك.

يفضل تغطى المرتبة بالواقى الميلتون لحمايتها من الإتساخ والبلل.

إعكس إتجاه نومك كل 15 يوم على المرتبة عشان جسمك مينطبعش عليها وتكون مش متطوعة لراحتك فالتغيير ده هيفيدك فى راحتك وكمان فى تشكيل المرتبة.

لازم تكون المرتبة متوافقة مع كل زاويا جسمك واجزائة، لأن المراتب الناشفة أو الصلبة القوية مش بتتوافق مع إنحناءات العمود الفقرى الطبيعية وهتسبب لك مع الوقت آلام متاعب فى الظهر، والطرية مش بتقدم الدعم ولا السطح المناسب للنوم للظهر هتعمل تراخى للفقرات مش هيكون كتفك فى نفس مستوى باقى جسمك وبالتالى ممكن تسبب لك مشكلة كبيرة فى شكل جسمك نفسه.

على حسب إنت بيريحك إيه أكثر فإختاره، فيه ناس بتفضل “القطن” جدا على غيره من الحشو وبترتاح له، فيه أخرين بيفضلوا الإسفنج سواء بسوست أو من غير، فإنت الأدرى بطبيعتك وبراحتك فإختار اللى يوفر لك إنسجام وإسترخاء أكثر ونوم أهدأ وأريح، المهم تنام وإنت مبسوط.